Home Вести Македонија Спасов: Имаме најмногу тестирани за Корона во регионот и сме меѓу 30...

Спасов: Имаме најмногу тестирани за Корона во регионот и сме меѓу 30 земји во светот

Венко Филипче денес на прес-конференција во Владата информираше дека досега се направени вкупно 4.117 тестови за коронавирусот и оти земјава има направено најголем број тестови на милион жители од сите земји во регионот.

-Само Словенија има повеќе од нас. Значи над 2.000 тестови на милион жители што се смета за огромна бројка. Од вкупниот број земји во светот, ние сме меѓу првите 30-40 што сметам дека е одличен резултат и сакам да потенцирам дека не станува збор само за бројка на тестови, туку целокупен пристап кон идентификување на пациентите, нивните контакти, кластерите на заболени, истакна Филипче.

Појасни дека се тестираат позитивни со симптоми пациенти, се идентификуваат нивните примарни контакти и на нив им се препорачува самоизолација и оти тестирајќи на овој начин, институциите имаат целосна контрола и увид во третманот односно состојбата на пациентите.

Во однос на тестирањата,нагласи дека позитивен пациент се смета оној кај кој ќе се утврди присуство на вирусот по направен тест, а не и тестовите за антитела.

– Тестовите на антитела само поставуваат сомнеж дека некој е носител на вирус и затоа кај сите коишто ги прават тие тестови, мора задолжително да се направи тестот за присуство на вирусот, истакна министерот за здравство.

Две илјади тестови и кабинет за дијагноза има донирано и Холандија. Кабинетот за дијагноза на Ковид 19, според министерот, треба да го дуплира капациетот на сегашната лабораторија во Институтот за јавно здравје.

-Станува збор за една машина, кабинети за изолација, целата опрема која што треба да се инсталира и тестови за 2.000 пациенти. Тоа е практично лабораторија што ќе го дуплира капацитетот на сегашната лабораторија во ИЈЗ. Холандија тоа го донира преку Меѓународната агенција за атомска енергија со седиште во Виена, појасни Филипче.

Поранешниот министер од редовите на СДСМ, Ѓорѓи Спасов, по повод тестирањата, во свој статус напиша:

,,За тестирај, тестирај,(кампања на опозицијата) Најуспешната земја во тестирањето од Корона вирусот и една од најбогатите Јужна Кореа, тестираше 270 илјади жители од вкупно 51 милион, или 5200 тестирани на еден милион.

Од неа повеќе тестирани има направено само Исланд, кој исто така пребогата земја, во која од вкупно 350 илјади жители се тестирани 9.700.

Во САД до сега се тестирани само 74 лица на еден милион жители.Велика Британија до денес имаат тестирано 431 лице на еден милион жители.

Во Македонија се тестирани над 2000 лица на еден милион жители. Имаме направено најмногу тестови на еден милион жители во Регионот и сме меѓу најдобрите 30-40 земји во светот.

Можеби треба повеќе, но да не се прави од тоа паника и да се омаловажува ова што се прави. За тестирањето се потребни ресурси, кадар и финансиски средства. И кога се споредуваме со најбогатите и најуспешните не сме така лоши.”