Home Живот Микробиолог сликовито објасни што значи носење и неносење маска (ФОТО)

Микробиолог сликовито објасни што значи носење и неносење маска (ФОТО)

Градот и државата Њујорк во Соединетите Американски Држави, во април оваа година беа едно од најголемите жариште на корона пандемијата во светот. Но властите им објаснија на луѓето кои превентивни мерки треба да се превземат, за да се смири состојбата.

Една од нив беа заштитните маски. Луѓето сериозно си ја сфатија работата и почнаа да носат маски, дури и надвор, на улица. Денес Њујорк е еден од градовите со најмал процент на позитивни во однос на вкупно тестираните. Процентот е помал од 1.

Заштитните маски се задолжителни во затворен простор, а наскоро и учениците што ќе се вратат на училиште ќе мораат да седат со маски. За ова правило, се разбира, има добра причина.

Многу луѓе сè уште не веруваат дека маските навистина ни помагаат да ја држиме пандемијата под контрола, без разлика што ова е многупати потврдено од страна на експертите.

Ако и вие спаѓате овде, тогаш можеби микробиологот Ричард Дејвис ќе ви го промени мислењето.

На неговиот Twitter профил, Ричард ги споделил резултатите од еден негов експеримент.

Целта на експериментот е да докаже дека маските и социјалното дистанцирање навистина ја намалуваат можноста за зараза.

„Што прави маската? Ги блокира респираторните капки кои доаѓаат од вашите уста и грло. Две едноставни демонстрации:

Прво, кивав, пеев, зборував и кашлав кон садот, со или без маска.

Таму каде што се разнесоа капките се направија бактериски колонии. Маската ги блокира речиси сите нив“, стои во неговата објава.